Kan Dard ka Ilaj

Mosam badalte hi zehni tor par taiyar ho jana chahiye keh aap ke ladlon ko naye mosam ki koi bimari ya virus pareshan karne aa skta hai kabhi zukam, dant mein dard kaan ka dard ya bukhar.

Bache amooman nahane ke baad cotton bud se kan saaf nahi karte, mayein yaad aane par ahtiyat kar to leti hain magar kuch mayein nazar andaz bhi kar deti hain bazahir towel se kan ka berooni hissah ponch dena ya ragar dena kafi nahi hota. Kan ke andarooni hisson ko bhi khushk karna zaroori hota hai. Agar mosalsal kayi roz tak is tarah ka maamool rahe to aik din kan band hojata hai. Jab yeh mail barhne lage to dard hone lgta hai. kabhi kabhi kan behne bhi lgta hai.

Kan ke mail se mutalliq maaloomat ka hona zaroori hai, yeh amooman do tarah ka hota hai. Aik to narm jo aasani se nikala ja skta hai doosra zara sakht jise aasani se saaf karna mushkil hota hai jb tak keh dawa ke 2-3 qtre istemaal kar ke ise narm na kar lia jaye.

Kaan se mail saaf karne ke liye dunya bhar mein do tarike hain.

Pehla : so section yani machine ke zariye mail kheinchna aur

Doosra : moping yani kaan ko cotton se saaf karna tahum buhat km halat mein syringe yani kan ko dho kar saaf kia jata hai. yeh tisra tarika hai aur yeh ENT specialist hazrat o khawateen is waqt karte hain jb itminan kar lein keh kan ka pardah phata hua ya infection zada nahi hai. Dard ki surat mein bhi syringe se kan ke parde ko noqsan ho skta hai.

Kan saaf rakhein yeh mashwarah is liye dia jata hai kiun keh agar aisa na kia jaye to mariz ko sunayi nahi deta yani kaan band ho jata hai. karna kia hai cotton bud ka packet kahin dressing table ke aas pas hi rakhna hai. jahan balon ko jhatakna dry karna aur khushk kapre pehnna zaroori hai wahin kan ki safayi bhi marhalah war karni chahiye. Gile kan mein yun bhi mail buhat jald jama ho jata hai jabkeh sookhe kan mein yeh raftar kam hoti hai magar jab kabhi ser o tfreeh ke baad ghar lotein to bachon ke kaan saaf karne mein pesh raft se kam na lein mumkin hai aap scarf, abaya, dopatta le kar kanon ko dhaka hua rakh skti hon magar bache aisi ahtiyatein nahi karte.

Nahane ke foran baad agar kaan band ho jaye to kaan ko thora sa daba kar khola ja skta hai phir cotton bud se safayi ki jaskti hai magar kisi surat mein bhi kan ke balon ko cherne ki koshish nahi ki jani chahiye. Is tarah kaan mein baal tor ka khatrah ho skta hai.

Safaayi na hone ki wajah se mail pathar sa bn jata hai aur ise isi halat mein nikalne ki koshish se kan ki diwar chil jati hai aur khoon behne lgta hai is surat mein doctor se madad lein.

Agar kaan saf karne ke baad bhi kan band rehne ki shikayat ho to is ka mtlab hai parde ki harkat mein kami huyi hai aur taweel arsah ke baad kan se mail ka bojh hata hai zahir hai keh fori tor par parde ki fitri harkat bahal nahi ho skti is liye mail saaf karne ke baad mariz ko naak band kar ke munh mein hawa bharne ya munh philane ki makhsoos mashq karwayi jati hai ise baqaidgi se do char roz karne se kan apni pehli halat mein samayat ke qabil ho jate hain. Yeh tarika dawa ke beghair aur ain qudarti hai aur is tarah aaram bhi jaldi aata hai.

Kaan Mein Mail Kaise Paida Hota hai

Kan ki nalki ke ibtadayi hisse mein chote chote ghadood hote hain jinhain Ceuminous glands kaha jata hai. in ghadoodon se waqtan fawaqtan mawad kharij hota hai jo garha hota hai aur yeh kaan mein thehar jata hai aur hawa lagne se sookh jata hai berooni hawa ke asrat ke sath gard o ghubar bhi kan mein puhachta rehta hai agar hum har haftah kan saaf kar lein to theek rehta hai warnah yeh mail prde par jamna shuru ho jata hai aur waqt guzarne ke sath sath sakht ho ta chala jata hai. Nazlah zukam aur khansi ki surat mein kan ka dard ho na qudarti hai kiun keh pure chehre aur kanon ka aapas mein qaribi aur moassar rabtah rehta hai aik infection ya virus doosre azoo par asar andaz hota hai. Behtar yahi hai keh ENT specialist se mokammal muainah karayein kan ka mail narm karne ke liye agar glasreen ke qatre mayassar na hon to long ya badam ka tail zaroor ghar mein rakhein.

Yeh tail bhi glasreen ki tarah 3-4 din subah sham kan mein dalne se mail narm ho jata hai magar is ki moqdar intehayi km honi chahiye sirf keh kisi qadar andarooni the saaf ho jaye yeh halaq mein utre ga to mumkin hai ubkayi aajaye.

Baaz log shahrahon par baithe peshah war kaan saaf karane walon se madad le rahe hote hain yeh amal sahi nahi hai. Yeh pesha war afrad apne totke aazmate aur aksar tail dalne ke baad kan saaf na karne aur tail ke asrat dekhne par zor dete hain aisa nahi hota keh tail dalte hi kaan saaf ho jayein is tarah sirf mail narm hota hai bahir to yeh is waqt tak nahi nikle ga jab tak aap ise nahi nika lein gay.

Agar aap apni jan se nahi khelna chahte to in ataiyon se bachye mahereen se rabtah kijye aur kaan ki safayi rakhye sirf isi tarah apni aur apne pyaron ki samayat ko mehfooz bana ya ja skta hai